Ozgur Ozel: Em êdî piştgiriyê nadin proseya aştiyê
Navenda Nûçeyan (K24) – Serokê Partiya Nû ya Tirkiyeyê (Yenî Partî) piştgiriya pêvajoya aştiyê rawestand û ragihand ku partiya wî tevlî wê komîsyona parlamentoyê nabe ya ku ji bo pêvajoyê tê çêkirin.
Serokê Partiya Nû ya Tirkiyeyê (Yenî Partî) Ozgur Ozel îro Pêncşem, 19ê Mijdara 2026ê, piştgiriya partiya xwe ji bo pêvajoya nû ya aştiyê rawestand û ragihand ku tevlî wê komîsyona parlamentoyê nabin a ku ji bo pêvajoyê tê çêkirin.
Ozel sedema vê helwestê vegerand ser bicîhneanîna sozên berê û rexne li wê yekê girt ku di demekê de daxwaza karê hevpar tê kirin, qeyûm ji bo rojname û medyayê tên danîn û ti pêngaveke kiryarkî ji bo demokratîkkirinê nehatiye avêtin.
Navbirî di berdewamiya axaftinên xwe de got: "Komîsyonek tê çêkirin ku tenê di pişka girêdayî çekdanînê ya qanûna pêvajoyê de hatiye kurtkirin. Min berê jî ji Serokê Parlamentoyê re ragihandibû ku divê çekdanîn û pêngava demokratîk bi hev re û bi hevseng bi rê ve biçin, wî jî soza hilanîna berpirsiyariyê dabû, lê niha ti kesek behsa vê pişkê nake ku girêdayî pêngavên demokratîkkirinê û bidawîanîna danîna qeyûman e."
Serokê Partiya Nû herwiha got: "Em heta îro her tim li cihê rast rawestiyane daku dayik negirîn û welat ber bi demokrasiyê ve biçe, lê ti gavek bi wî alî de nehatiye avêtin. Bila êdî hemî kes bizanin ku tu nikarî qeyûm ji bo rojname û medyayê danî û dengê me hemiyan bibirî, paşê jî bêyî û bibêjî werin em bi hev re karekî bikin û bikevin dîrokê."
Ozel eşkere jî kir: "Em li her cihekî bûne û dê li her cihekî bin ku di berjewendiya vî welatî de be, lê ji niha û pê ve tenê tiştek di berjewendiya welat de be rawestandina vê desthilatê ye. Di destpêka rê de soz bi vî awayî nebûn, em di vî karî de nînin û her kesê bixwaze em di vê pêvajoyê de bin divê li pêşiyê wan sozan bi cih bîne yên ku berê dane."
Ev helwesta Ozgur Ozel piştî civîneke girtî ya 40 deqîqeyî li gel Serokê Parlamentoya Tirkiyeyê Numan Kurtulmuş hat, ku duhî Çarşem, 18ê Mijdara 2026ê li ser çêkirina "Komîsyona Çavdêriyê" di çarçoveya pêvajoya aştiyê û destpêşxeriya "Tirkiyeya Bê Teror" de civiyabûn.