لهمهودوا رێگه به پهنابهره سوورییهكانیش نادرێت بپهڕنهوه ئهوروپا
13 ههزار پهنابهری سووری و عێراق گیریان خواردووه
K24 - ههولێر:
رێکخراوی نەتەوەیەکگرتووەکان رایدەگەیەنێت حکوومەتی مەکدۆنیا بڕیاریداوە رێگەنەدەن پەناخوازانی ئەو شارانەی عێراق و سووریا کە ئارامن و شەڕوئاژاوەی تێدا نییە لە سنووری مەكدۆیاوە بڕۆنە ڕۆژئاوای ئەوروپا.
ماوەی چەند رۆژێكە، زیاتر لە 13 ھەزار پەناخواز کە زۆرینەیان خەڵکی عێراق و سووریان لەسەر سنووری یۆنان - مەکدۆنیا گیریان خواردووە، چونكە پاسەوانانی سەر سنووری مەکدۆنیا رێگەیان نادەن سنووری مەكدۆنیا ببڕن و لەوێشەوە خۆیانه بگهیهننه وڵاتانی رۆژئاوای ئەوروپا.
تا دێت، نیگەرانییەکانی پەنابەرانی سەر سنووری یۆنان - مەکدۆنیا قووڵتر دەبنەوە، لەوکاتەی رێکخراوی نەتەوەیەکگرتووەکان ئاشکرایان کرد، کە دەسەڵاتدارانی مەکدۆنی بڕیاریداوە چیدیکە رێگە بەپەنابەری عێراقی و سووریش نادات بێنە نێو سنوورەکانییەوە.
رێکخراوی نەتەوەیەکگرتووەکانیش ئاشکرای دەکات ئێستا دەسەڵاتدارانی مەکدۆنی رێگەش بە ھەندێ پەنابەری عێراقی و سووری کە خەڵکی ئەو شارانەن کە شەڕو کوشتاری تێدانییە، بپەڕێنەوە و لەسەر سنوور بێچارە ماونەتەوە.
پەنابەرێكی عێراقی لهسهر سنووری مهكدۆنیا دهڵێت: "لە دوێنێ شەوەوە ھەر کەسێک لە دیمەشق و بەغداوە رۆیشتبێتە سەر سنوور گەڕاندوویانەتەوە. ئێستا ئێمە بێ ئومێد بووین و کەس نییە لێمانپرسێتەوە، منداڵەکانمان ھەمووی نەخۆش کەوتوون و خەڵک دەمرێت کەس گوێی ناداتێ".
زۆربەی پەنابەرەکان ناچاربوون لەو کەشوھەوا ساردەدا لەژێر چادری تەنکدا شەو بکەنەوە و چاوەڕێی دڵنەرمی دەسەڵاتدارانی مەکدۆنیا بکەن، تاوەکو رێگەیان پێبدەن بگەنە ئەو وڵاتانەی خەونی پێوەدەبینن.
پهنابهرێكیش له بارهی رێگهپێنهدانییان گوتی: "ھەر کەسێک ناسنامەی دیمەشق بێت ناتوانێت بپەڕێتەوە، لەبەرئەوەی حکوومەتی مەکدۆنی پێیڕاگەیاندووین دیمەشق شوێنێکی ئارامە و شەڕی تێدا نییە، بەڵام من خەڵکی کەمپی یەرمووکم لە دیمەشق کە ھیچ ئارام نییە و داعشی تێدایە، کەچی ئێستا ناتوانم بپەڕمەوە و نازانم چی بکەم".
تا ئێستا پەنابەرانی عێراقی و سووری کێشەیەکیان نەبوو، کە ئەویش خەڵکی وڵاتێکن شەڕ و ئاژاوەی تێدایە و ئەوەش وایکردووە وڵاتەکەی خۆیان بەجێبێڵن، بەڵام رەنگە ئێستا ئەوە ھۆکارەش دادیان نەدات.