وەزیری تەندروستی داوایەک لە هاووڵاتیانی هەرێمی کوردستان دەکات
هۆشداریی لە بارەی ئامارەکان دەدات
K24- هەولێر:
د. سامان بەرزنجی، وەزیری تەندروستی حکومەتی هەرێمی کوردستان چەند زانیارییەک لەبارەی نەوەی نوێی کۆرۆنا لە هەرێمی کوردستان بڵاودەکاتەوە.
وەزیری تەندروستی دەڵێت: "زنجیرەی نوێی ڤایرۆسی کۆرۆنا خێرا بڵاودەبێتەوە، زۆرترین ژمارە و رێژەی تووشبوون 7.8% تومارکراوە و لە ڕۆژانی داهاتوو پێشبینی زیاتریش دەکرێت''.
دەشڵێت: ''بە پێی پێوەرەکان، رێژەی گواستەوەی ڤایرۆس لە هەر تووشبووێک زیاتر لە کەسێکی دیکە تووش دەکات و ژمارەی پڕبوونی قەرەوێلەکان لە نەخۆشخانەکان زۆر زیاتر بووە ئەمەش گواستنەوەی بەبڵاوی نێو کۆمەڵگا دەگەیەنێت''.
د. سامان بەرزنجی داوا دەکات: "تکایە پاڵپشتی رێکارەکان بن و ئاگاداری خۆتان و خانەوادەتان بن، دانانی ماسک و دوورکەوتنەوە لەیەکتر و نەچوون بۆ شوێنی قەرەباڵغ گرنگترین ڕێکارەکانی خۆپارێزیە.
وەزیری تەندروستی ئاماژەی بەوەشکردووە: "لەکاتی بوونی نیشانەکان سەردانی سەنتەرەکانی کۆرۆنا بکەن بۆ پشکنین و چارەسەرکردن. هیوای سەلامەتی بۆ هەموو لایەک''.