كۆرۆنا له عێراق.. 68 كهسی دیكه بههۆی پهتاكه گیانیان لهدهستدا
ئهمڕۆش نزیكهی 9 ههزار حاڵهتی نوێی تووشبوون تۆماركران و لهو ژمارهیهش زیاتر چاكبوونهوه
K24- ههولێر:
وهزارهتی تهندروستیی عێراق ئاماری 24 كاتژمێری رابردووی تووشبوون، مردن و چاكبوونهوهی كۆرۆنای لهسهرانسهری وڵات بهپارێزگاكانی ههرێمی كوردستانیشهوه راگهیاند و بهگوێرهی ئامارهكه، لهماوهی 24 كاتژمێری رابردوودا پشكنینی پزیشكی بۆ 42 ههزار و 579 كهس ئهنجامدراوه و تووشبوونی 8 ههزار و 830 كهسی دیكه به پهتاكه پشتڕاست كرایهوه. زۆرترین ژمارهی تووشبوونی ئهمڕۆش له ناوچهی كهرخی شاری بهغدا تۆماركرا، كه بریتییه له ههزار و 311 حاڵهت.
وهك له راگهیهندراوهكهدا هاتووه، لهماوهی شهو و رۆژێكدا 68 كهس بههۆی پهتاكه گیانیان لهدهستداوه، 9 ههزار و 246 حاڵهتی چاكبوونهوهش لهپهتاكه راگهیهندراوه.
تا ئێستا كۆی ئهوانهی لهسهرانسهری عێراق تووشی پهتاكه بوونه، ژمارهیان گهیشته ملیۆنێك و 784 ههزار و 594 حاڵهت، لهو ژمارهیهش 19 ههزار و 740 كهس بههۆی ڤایرۆسهكهوه گیانیان لهدهستداوه، ملیۆنێك و 605ههزار و 296 كهسیش به رێژهی 90.0% بهتهواوی چاك بوونهتهوه و 159 ههزار و 558 كهسیش له نهخۆشخانهكان لهژێر چاودێری پزیشكیدان، لهو ژمارهیهش 996 كهس بههۆی ناجێگیری دۆخی تهندروستییان لهژێر چاودێری چڕی پزیشكیدان.
ئاماژه بهوهش دراوه، تا ئێستا 2 ملیۆن و 626 ههزار و 447 كهس له سهرانسهری عێراق ڤاكسینی كۆرۆنایان وهرگرتووه.
H.B