داعش 3 ھاووڵاتی رفاند
ماوەیەكە چەكدارانی داعش لە سنووری قەرەتەپە دەستیان بە رفاندنی ھاووڵاتیان كردووە
K24 - گەرمیان
چەكدارانی داعش سێ ھاووڵاتی لە سنووری شارەدێی قەرەتەپە دەرفێنن و تائێستا چارەنووسیان نادیارە.
ھەرێم جاف پەیامنێری كوردستان24 رایگەیاند: "شەوی رابردوو چەکدارانی داعش لە گوندی لهێب عمر مەندان، لەسنووری شارە دێی قەرەتەپە 3 هاووڵاتیان رفاندووە بۆ شوێنیکی نادیار تائیستا چارەنووسیان دیارنییە".
رەحیم عەزيز سەرۆكی ليژنەی ئەمنی ناحییەی قەرەتەپە بە کوردستان24 گوت: "ماوەیەکە چەکدارانی داعش له سنوور قەرەتەپە دەستیان بەرفاندنی ھاووڵاتیانی ناوچەکە کردووە".
گوتیشی: "ھەفتەی رابردووش چەكدارانی داعش کوڕو باوکێک دیكەیان رفاندوو دواتر سەریانیان بڕیوون".