مۆگرینی: ته‌قینه‌وه‌كه‌ی دیمه‌شق بۆ په‌كخستنی گفتوگۆكانه
60 كه‌س بوونه قوربانی
K24 - برۆكسل:
به‌هۆی ته‌قینه‌وه‌یه‌ك، له نزیك مه‌زاری سه‌یده زه‌ینه‌ب له دیمه‌شقی پایته‌ختی سووریا، زیاتر له 60 قوربانی لێكه‌وته‌وه و رێكخراوی داعشیش به‌رپرسیارێتی خۆی له ئه‌نجامدانی ئه‌و كرده‌یه‌وه رایگه‌یاند.
فیدریكا مۆگرینی، به‌رپه‌رسی سیاسه‌ته‌كانی ده‌ره‌وه‌ی یه‌كێتی ئه‌وروپا له باره‌ی ئه‌و ته‌قینه‌وه‌یه گوتی: "مه‌به‌ست له ئه‌نجامدانی ئه‌و ته‌قینه‌وه‌یه له نزیك مه‌زاری سه‌یده زه‌ینه‌بی شیعه‌كان، په‌كخستنی گفتوگۆكانی ئاشتی سووریایه له جنێڤ".
مۆگرینی بوونى شاندی لایه‌نه‌كانی ئۆپۆزیسیۆنی سووریا و حكوومه‌تی به‌شار ئه‌سه‌دی له جنێڤ 3 به ئه‌رێنی وه‌سفكرد.