بە ڤیدیۆ.. تایبەتمەندییەکانی هەرزانترین مۆبایلی زیرەک ببینە لە جیهان

K24-هەولێر

مۆبایلی Freedom 251 هەرزانترین مۆبایلی زیرەکە لە جیهان و بڕیارە لە ئایندەیەکی نزیکدا لە هیندستان بە نرخی 4 دۆلار لە بازاڕەکاندا بەردەسبێ.

تایبەتمەندییەکانی مۆبایلی Freedom 251 بریتین لە:

شاشەیەکی 4 ئینج فوول کواڵیتی

کامیرایەک بە کواڵیتی 3.2 مێگاپیکسڵ

میمۆرییەکەی 32 گێگا بایتە

بە سیستمی ئاندرۆید لولیبۆب 5.1 کار دەکات و هەر لە کۆمپانیاوە زۆربەی ئەپلیکەیشنەکانی وەک فەیسبووک و یوتیوب و واتسئاپی تێدایە.

مۆبایلی Freedom 251 هاوکات ئاپلیکەیشنی تایبەت بە ئافرەتان و راوچییەکان و جوتیارەکانیشی تێدایە.

پرسیارەکە ئەمە چۆن هێندە هەرزانە؟

وەڵامی ئەم پرسیارە لەودایە، چونکە هیندستان گەورەترین بەرهەمهێنەری پرۆگرامەکانی مۆبایل و کۆمپیوتەرە و هەوڵ دەدات بە دروستکردنی ئەم مۆبایلە چینی هەژاری هیندستان سوود لەم ئۆڤەرەوە وەربگرن و هەندێک دۆخی خۆیان باشتر بکەن و پێشبکەون.

هاوکات ئامانجێکی دیکەی هیندستان لە دروستکردنی ئەم مۆبایلە جێگیرکردنی شوێن پێی خۆیەتی لە بازاڕی دروستکردنی ئامێرە زیرەکەکان لە جیهان.

ئا: ئا ، ف