میلان هه‌وڵی گواستنه‌وه‌ی یاریزانێكی ریال مه‌درید ده‌دات
زیدان ئه‌و یاریزانه‌ی په‌راوێز خستووه
به‌پێی هه‌واڵی سه‌رچاوه‌یه‌كی نزیك له یانه‌ی ریال مه‌درید، یانه‌ی ئه‌ی سی میلانی ئیتاڵیا بۆ وه‌رزی دادێ ده‌یه‌وێت یاریزانێكی شاهانه بۆ ریزه‌كانی بگوزاێته‌وه.
رۆژنامه‌ی ASـی ئیسپانیا له چاپی ئه‌مڕۆیدا ئاماژه‌ی بۆ ئه‌وه كردووه كه یانه‌ی میلان ده‌یه‌وێت ماتیۆ كۆڤاچی ناوه‌ڕاستكاری كرواتی به شێوه‌یه‌كی خواستن بۆ وه‌رزی دادێ بباته ڕیزه‌كانییه‌وه.
كۆڤاچی ته‌مه‌ن 21 ساڵ، سه‌ره‌تای ده‌ركه‌وتنی له یانه‌ی دینامۆ زه‌گربی كرواتی بوو، دواتر له 2013 په‌یوه‌ندی به یانه‌ی ئینته‌ر میلانی ئیتاڵیاوه كرد، هاوینی رابردوو بۆ ریزه‌كانی ریال مه‌درید گواسترایه‌وه.
