وەزارەتی دارایی دەست بە دابەشکردنی مووچە دەکات
K24-هەولێر
وەزارەتی دارایی و ئابووریی هەرێمی کوردستان ئەمڕۆ پێنجشەممە لە راگەیەندراوێکدا گوتی لە رۆژی دووشەممەی داهاتووەوە (11/4/2016) دەست بە دابەشکردنی مووچەی وەزارەتی پێشمەرگە دەکات. بەبێ ئەوەی روونی بکاتەوە مووچەی چی مانگێکە.
ئەمە لە کاتێکدایە بەهۆی تێچووی شەڕی داعش و دابەزینی بەرچاوی نرخی نەوتی خاو لە بازاڕەکانی جیهان هەرێمی کوردستان دووچاری قەیرانی دارایی بووەتەوە و مووچەی چەند مانگێکی فەرمانبەرانی نەداوە، جگە لەوەی مووچەی فەرمانبەرانی بە شێوەیەکی بەرچاو کەمکردووەتەوە.
ئا: ئا ، ف