سويسرا: ههر بانكێك مامهڵهى ناياسايى كردبێت سزا دهدرێت
دەستەی چاودێری دارایی سویسری رایگەیاند، بەدواداچوون و لێكۆڵینەوە لە بانكەكانی سویسرا دەكەین و ھەوڵیش دەدەین ئەوبانكانەی كاریان لەگەڵ كۆمپانیاكانی پەنەمادا كردووە بیاندەینە دادگا.
K24 – ههولێر:
دەستەی چاودێری دارایی سویسری رایگەیاند، بەدواداچوون و لێكۆڵینەوە لە بانكەكانی سویسرا دەكەین و ھەوڵیش دەدەین ئەوبانكانەی كاریان لەگەڵ كۆمپانیاكانی پەنەمادا كردووە بیاندەینە دادگا.
دەستەی چاودێری دارايی سویسرا رایگەیاند ، لەكاتی بڵاوكردنەوەی بەڵگەنامەكانی پەنەما، كەناوی چەندان بانكی جیھانی تێدابوو، ئێمەش رێوشوێنی توندمان بەرامبەر بانكەكانی سویسرا گرتووهتەبەر و چاودێرییان دەكەین.
دەستەكە ئاماژەی بەوەشكردووە ، دەمانەوێت بزانین چ بانكێكی سویسری مامەڵەی نایاسایی لەگەڵ كۆمپانیاكانی پەنەمادا ھەبوەو تاچەند كاری نایاسایی بۆ كۆمپانیاكان كردووە ، لەھەمانكاتدا پێویستە یەكێتی ئەوروپا یاخود رێكخراوی ھاریكاری ئابووری و پەرەسەندن ھەوڵبدەن رێنمایی بەسەر بانكەكاندا بڵاوبكەنەوە.
سویسرا گەورەترین ناوەندی داراییە لە جیھان و لەساڵی 2014 بڕی 2 ترلیۆن و 500 ملیار دۆلاری لەبانكەكاندا ھەبووە.