لەبارەی كردنەوەی قوتابخانەكان بڕیار دەدرێت
لیژنەی باڵای رووبەڕووبوونەوەی كۆرۆنا كۆدەبێتەوە
K24 – ھەولێر
بڕیارە ئەمڕۆ لیژنەی باڵای رووبەڕووبوونەوەی كۆرۆنا لە ھەولێر كۆببێتەوە و بڕیار لەبارەی كردنەوەی قوتابخانەكان بدەن.
د. سامان بەرزنجی، وەزیری تەندروستی حكومەتی ھەرێمی كوردستان بە كوردستان24ی راگەیاند: "لە كۆبوونەوەی ئەمڕۆی لیژنەی باڵای رووبەڕووبوونەوەی كۆرۆنا گفتوگۆ لەسەر چۆنێتی كردنەوەی قوتابخانەكان دەدرێت، بە رێكار و رێنمایی تەندروستی و تاوتوێی ئەو راپۆرتانە دەكەين كە ئێمە و وەزارەتی پەروەردە ئامادەمان كردووە".
پێشتر بە بڕیاری لیژنەی باڵای رووبەڕووبوونەوەی كۆرۆنا خوێندنی قۆناغی 12ی ئامادەیی لە 16/1/2021 دەستپێكردەوە، ئەمڕۆش بڕیار لە میكانیزمی خوێندنی قۆناغەكانی 1ی بنەڕەتی تا 11ی ئامادەیی لەناو پۆلەكان دەدرێت.