گفتوگۆی سیاسی لە ئارادایە بۆ دواخستنەوەی ھەڵبژاردنەكانی عێراق بۆ ساڵی 2022
"وادەی پێشنیاركراوە بۆ دواخستنی نوێی ھەڵبژاردنەكان مانگی نیسانی ساڵی 2022ـە"
K24 – ھەولێر:
كەناڵی "RT" رایگەیاند، ئەمڕۆ شەممە سەرچاوەیەكی سیاسی بەكەناڵەكەیانی راگەیاندووە، لە عێراقدا گفتوگۆی سیاسی لە ئارادایه بۆ دواخستنی ھەڵبژاردنەكانی عێراق بۆ ساڵی 2022.
سەرچاوەكە گوتی: "بەھۆی زۆر دۆخەوە پێشبینی دهكرێت، ھەڵبژاردنەكان جارێكی دیكە داوابخرێنەوە، لەوانەش دۆخی ئابووری و تەواونەبوونی ئامادەكارییەكان بۆ ھەڵبژاردنەكان، ئەمە جگە لە ھەبوونی خواستێكی سیاسی بۆ ئەنجامدانی ھەڵبژاردنهكان لە ساڵی داھاتوودا".
گوتیشی: "وادەی پێشنیازكراوە بۆ دواخستنی نوێی ھەڵبژاردنەكان مانگی نیسانی ساڵی 2022ـە".
بڕیار بوو ھەڵبژاردنەكانی پێشوەختەی عێراق لە 6ی حوزەیرانی داھاتوو ئەنجامبدرێن، بەڵام حكومەتی عێراق بۆ تشرینی یەكەمی ساڵی داھاتووی دواخست.
سەرچاوە: RT