تۆڕێکی بە قاچاخبردنی پەنابەران لە ئیتاڵیا دەستگیر کران
كوردن و خەڵکیان لە کوردستانەوە بۆ ئەوروپا بە قاچاخ بردووە
K24- هەولێر:
پۆلیسی ئیتاڵیا دەستگیرکردنی باندێکی کوردی رادەگەیەنێت کە خەڵکیان لە ناوچە جیاوازە کوردییەکانەوە بە قاچاخ بردووەتەوە ئەوروپا.
بەگوێرەی هەواڵێکی عەرەب نیوز، دوو لە دەستگیرکراوەکان کوردن و خەڵکی عێراقن.
پۆلیسی ئیتاڵیا ئاشکرایکردووە، پێنج کەسیان لەو باندە لە شاری تریست، نزیک لە سنووری کرواتیا و سلۆڤینیا، دەستگیر کردووە.
ماسیمۆ دێ بۆرتۆلی، ئەفسەری دژە مافیای ئیتاڵیا رایگەیاندووە: ''باندەکە ساڵێک لەمەوبەر دەستیان بە چالاکی کردووە و لە چەند شارێکی ئیتاڵیا کاریان کردووە''.
ئەوەشی ئاشکراکردووە، باندەکە کوردیان لە عێراق و سووریا بەشێوەیەکی نایاسایی بۆ ئەوروپا بە تایبەت ئەڵمانیا و فەرەنسا گواستووەتەوە.