ئیتاڵیاش قەدەغەی هاتووچۆی راگەیاند
حاڵەتەکانی کۆرۆنا زیادیان کردووە
بەهۆی زیادبوونی حاڵەتەکانی ڤایرۆسی کۆرۆنا لە ئیتاڵیا، رێکارەکان تووند کران.
حکومەتی ئیتاڵیا بڵاویکردەوە، رێکارەکان تووند دەکرێن، جیا لە نیمچە- قەدەغەی هاتووچۆ، قوتابخانە، چێشتخانە، باڕ و مۆزەخانەکان دادەخرێن.
هەروەها وەزارەتی تەندروستی ئیتاڵیا لە راگەیەندراوێک ئاماژەی بەوەداوە، ناوچەکانی باکوور کە هەرێمی لۆمباردیش دەگرێتەوە، لە رۆژی دووشەممەوە وەک ''ناوچەی سوور'' هەژمار دەکرێن.
لە ئیتاڵیا، سێ ملیۆن و 176 هەزار حاڵەتی کۆرۆنا تۆمار کراون، بەهۆیەوە 101 هەزار و 564 کەس گیانیان لەدەستداوە.
دوای بڵاوبوونەوەی ڤایرۆسی کۆرۆنای نوێ لە ئەوروپا، چەند وڵاتێک لە ناویان بەریتانیا، ئەڵمانیا و فەرەنسا قەدەغەی هاتووچۆیان راگەیاند، بەڵام ئیتاڵیا رێکارەکانی تووندتر نەکرد، بەڵام لە ئێستادا بەهۆی زیادبوونی حاڵەتەکان، ئیتاڵیاش وەکو دراوسێکانی رێکارەکان تووندتر دەکات.
AFP