دھۆک.. ھەردوو ئەندەرپاسەکەی ناو شار تەواوکران
K24 – ھەولێر:
ھەردوو ئەندەرپاسی ناو شاری دھۆک تەواوکران و ئێستا لە خزمەتی شۆفێر و ھاووڵاتییانە.
ھەردوو ئەندەرپاسی فەرماندە و ئەندەرپاسی شهقامی بارزان بەشێک بوون لە پاکێجێکی 5 پرۆژەیی، کە بریتین لە دوو شهقامی خزمەتگوزاری و کەمەری و دەمێکە ئەوان تەواوکراون. ئەم ئەندەرپاسانە بە درێژی حهوت کیلۆمەتر لە ناو سەنتەری شار درووستکراون و ھیچ ترافیکێك ناھێلێت. ئەمەش خزمەتێکی زۆر بە ھاووڵاتیانی شارەکە دەکات. ئەم پاکێجە 5 پرۆژەییە حکومەتی ھەرێمی كوردستان گوژمەی 73 ملیار دیناری بو تەرخانكردبوو.