به‌ وێنه‌.. خۆپیشانده‌رانی به‌غدا هه‌ڵیانكوتایه‌ سه‌ر باڵه‌خانه‌ی ئه‌نجوومه‌نی وه‌زیران

K24 - به‌غدا:

دوای نیوه‌ڕۆكی ئه‌مڕۆ، خۆپیشاندان له‌ به‌غدا ده‌ستیپێكرده‌وه‌ و ژماره‌یه‌ك خۆپیشانده‌ران له‌ ده‌روازه‌ی "تشریع" خۆیان گه‌یاندووه‌ته‌ ناوچه‌ی سه‌وز.

به‌ گوێره‌ی سه‌رچاوه‌كانی هه‌واڵ له‌ به‌غدا، تا ئێستا به‌هۆی ته‌قه‌ی هێزه‌ ئه‌منییه‌كانه‌وه‌، 3 كه‌س كوژران و 80 كه‌سی دیكه‌ش بریندارن.

له‌لایه‌كی دیكه‌وه‌ ماڵپه‌ڕی "مدار" چه‌ند وێنه‌یه‌كی خۆپیشانده‌رانی له‌ناو نووسینگه‌ی سه‌رۆك وه‌زیرانی عێراق بڵاوكردووه‌ته‌وه‌.

له‌لایه‌ن هێزه‌ ئه‌منییه‌كانیشه‌وه‌، ته‌قه‌ به‌سه‌ر خۆپیشانده‌راندا ده‌كرێت و به‌ گازی فرمسێكرژێن, هه‌وڵی بڵاوه‌پێكردنی خۆپیشانده‌ران ده‌ده‌ن.