حكوومهت ههرێمی كوردستان پاڵپشتی خۆی بۆ عهبادی راگهیاند
خهڵكی مهدهنی بۆ مهبهستی سیاسی بهكاردههێنرێن
K24 - ههولێر:
حكوومهتی ههرێمی كوردستان، له راگهیهندراوێكدا، پاڵپشتی خۆی بۆ حهیدهر عهبادی، سهرۆك وهزیران عێراق دهربڕی رایگهیاند لەپێناو پاراستنی سەقامگیری و پاراستنی دامەزراوەكانی دەوڵەت، پشتگیری تهواوی لێدهكهین.
ههر له راگهیهندراوهكهدا حكوومهتی ههرێم، گرژی و ئاڵۆزییهكانی دوێنێی بهغدا و چهند پارێزگایهكی دیكهی عێراق سهركۆنه دهكات و هاوكات پشتیوانی خۆیشی بۆ داواكانی خهڵكی عێراق دووپات كردهوه، كه له رێگهی ئاشتییانه و مهدهنییانه و دوور له ههڵكوتانه سهر دامهزراوهكانی دهوڵهت دهخهنهڕوو.
ئەمە دەقی بەیاننامەی سەرۆكایەتیی ئەنجومەنی وەزیرانی هەرێمی كوردستانە:
دوێنێ جارێكی دیكە لە شاری بەغدای پایتەختی دەوڵەتی فیدرالیی عێراق و چەند شارێكی دیكە، خۆپیشاندانەكان بەرەو ئاڵۆزی و ئاژاوەنانەوە و هەڵكوتانە سەر دامەزراوەكانی دەوڵەت پاڵپێوەنران، لە ئەنجامیشدا ژمارەیەك خۆپیشاندەر و ئەندامانی هێزە ئەمنییەكانی عێراق گیانیان لەدەستدا و برینداربوون.
ئێمە بەتووندی دژی بەكارهێنانی خەڵك و داواكارییە ڕەواكانی خەڵكین بۆ دروستكردنی ئاڵۆزی و ئاژاوەنانەوە. بە تەواویش لەگەڵ داوكارییە ڕەواكانی گەلی عێراقداین لەپێناو دابینكردنی بژێوی و ئارامی لە عێراقدا، بەڵام دەبێ داواكارییەكان بەشێوەیەكی مەدەنیانە و ئاشتیانە گوزارشتیان لێ بكرێت، نەك بكرێنە هۆكارێك بۆ دروستكردنی ئاڵۆزی و ئاژاوەنانەوە و هێرشكردنە سەر دامەزاروەكانی دەوڵەت و پێشێلكردنی یاسا و تێكدانی ژیان و سەقامگیری لە وڵاتدا، چونكە بەوشێوەیە داواكارییە ڕەواكانی خەڵك بەلاڕێدا دەبرێن.
هەر لەو پێناوەشدا پشتیوانی تەواوی خۆمان بۆ هەوڵەكانی بەڕێز حەیدەر عەبادی سەرۆكی ئەنجومەنی وەزیرانی عێراق دەردەبڕین لەپێناو پاراستنی سەقامگیری و پاراستنی دامەزراوەكانی دەوڵەت لە عێراقدا.
سەرۆكایەتی ئەنجوومەنی وەزیرانی هەرێمی كوردستان
21/5/2016