10 سەرباز لە بەغدا کوژران
تەقینەوەیەک لە باکووری بەغدا روویدا
K24- هەولێر:
سەرچاوەیەکی ئەمنی عێراق رایگەیاند، بەهۆی تەقینەوەی دوو بۆمبی چێندراو لە ناوچەی تارمییە لە باکووری بەغدا، 10 ئەفسەر و سەربازی سوپای عێراق گیانیان لەدەستدا.
لەبارەی رووداوەکەش، شانەی ئەمنی عێراق وێڕای پشتڕاستکردنەوەی هەواڵەکە، ئاماژەی بەوەدا، دەستیان بە گەڕان و پشکنین لە ناوچەکە کردووە.
جیا لە بەغدا، داعش لە حەویجە و خانەقین، هێرشی تیرۆریستی ئەنجامداوە و زیانی گیانی لە ریزی هێزە ئەمنییەکان هەیە.
بەرەبەیانی ئەمڕۆش، هێزەکانی پێشمەرگە هێرشێکی داعشیان لە بەرزاییەکانی زوورگەزراو تێکشکاند.