پارتی وادەی بەستنی کۆنگرە دوا دەخات

K24 – هەولێر

بەرپرسی دەزگای هەڵبژاردنی پارتی دیموکراتی کوردستان ئاشکرای کرد، بەهۆی کۆرۆنا و هەڵبژاردنەکانی عێراق وادەی کۆنگرەی 14ی پارتی دوا دەخرێت.

خەسرۆ گۆران، بەرپرسی دەزگای هەڵبژاردنی پارتی لە کۆنفرانسێکی رۆژنامەوانیدا گوتی: "بڕیاربوو لە مانگی ئایاری ئەمساڵ کۆنگرەی 14ی پارتی ببەسترێ، بەڵام بەهۆی کۆرۆنا و هەڵبژاردنەکانی عێراق دوا دەخرێت".

پێشتر فازڵ میرانی، سكرتێری مه‌كته‌بی سیاسیی پارتی دیموكراتی كوردستان رایگەیاندبوو، لە 26/5/2021 کۆنگرەی 14ی پارتی دەبەسترێت، بەڵام بەهۆی کۆرۆنا و هەڵبژاردنەکانی عێراق پارتی وادەی بەستنی کۆنگرە دوادەخات.

پارتی دیموکراتی کوردستان، یەکێکە لە ‌حزبە دێرینەکانی کوردستان و ئێستا گەورەترین ‌حزبی کوردستانە. تائێستا ئەو حزبە 13  کۆنگرەی بەستووە، یەکەم کۆنگرەی پارتی لە 16ی ئابی ساڵی1946  لە بەغدا بەستراوە.