داعش لە باشووری کەرکووک هێرشی کرد
چەکدارێکی حەشدی شەعبی کوژرا و دوو دیکەش برینداربوون
K24 - کەرکووک
لە هێرشێکی داعشدا لە باشووری کەرکووک، چەکدارێکی حەشدی شەعبی کوژرا و دوو دیکەش برینداربوون.
پەیامنێری کوردستان24 لە کەرکووک رایگەیاند، شەوی رابردوو، ژمارەیەک چەکداری داعش هێرشییان کردە سەر بنکەیەکی حەشدی شەعبی لە گوندی بەشیری سەر بە ناحیەی تازەخورماتوو، لە ئاکامدا چەکدارێکی حەشد کوژراوە و دووی دیکەش برینداربوون.
لە لایەکی دیکە لە گوندی تاموڕ لە ناوچەی وادی شای، سەربە قەزای داقوق، بەهۆی پێکدادان لەگەڵ ژمارەیەک چەکداری داعش، دوو سەربازی سوپای عێراق برینداربوون.
هاوکات بەڕێوەبەرایەتی هەواڵگری عێراق، دەستگیرکردنی پۆستەچی داعشی، لە ناوچەی زاب سەربە قەزای حەویجە راگەیاند.