داعش لە ئەنبار چوار کەسی کوشت
سێ کەسی دیکەشیان بریندار کرد
K24 – هەولێر
چەکدارانی داعش لە سنووری پارێزگای ئەنبار چوار کەسیان کوشت و سێ کەسی دیکەشیان بریندار کرد.
سەرچاوەیەکی ئەمنی لە پارێزگای ئەنبار تایبەت بە کوردستان24ی راگەیاند: "درەنگانی شەوی رابردوو چەکدارانی داعش لە قەزای حەدیسە-ی سەر بە پارێزگای ئەنبار چوار کەسیان کوشت و سێی دیکەشیان بریندار کرد".
روونیکردەوە: "ئەو کەسانەی سەرقاڵی ماسی گرتن بوونە لەسەر بەنداوی حەدیسە، لەو کاتەدا چەکدارانی داعش هێرشی کردونەتە سەر".
مەبروک جغیفی، قایمقامی قەزای حەدیسە لە لێدوانێکی رۆژنامەوانیدا رایگەیاند، بریندارەکانی ئەو هێرشە چەکدارییە بۆ چارەسەر گەیەندراونەتە نەخۆشخانەی گشتی حەدیسە.