كۆرۆنا.. ژمارهی تووشبوونی گشتی له عێراق 3 ملیۆن كهسی تێپهڕاند
زۆرترین ژمارهی تۆشبوونی ئهمڕۆش له شاری سلێمانی تۆماركرا
K24- ههولێر:
وهزارهتی تهندروستیی عێراق ئاماری 24 كاتژمێری رابردووی تووشبوون، مردن و چاكبوونهوهی كۆرۆنای لهسهرانسهری وڵات بهپارێزگاكانی ههرێمی كوردستانیشهوه راگهیاند و بهگوێرهی ئامارهكه، لهماوهی 24 كاتژمێری رابردوودا پشكنینی پزیشكی بۆ 42 ههزار و 464 كهس ئهنجامدراوه و تووشبوونی 7 ههزار و 670 كهسی دیكه به پهتاكه پشتڕاست كرایهوه. زۆرترین ژمارهی تووشبوونی ئهمڕۆش له شاری سلێمانی تۆماركرا، كه بریتییه له 944 حاڵهت.
وهك له راگهیهندراوهكهدا هاتووه، لهماوهی شهو و رۆژێكدا 75 كهس بههۆی پهتاكه گیانیان لهدهستداوه، 10 ههزار و 242 حاڵهتی چاكبوونهوهش لهپهتاكه راگهیهندراوه.
تا ئێستا كۆی ئهوانهی لهسهرانسهری عێراق تووشی پهتاكه بوونه، ژمارهیان گهیشته ملیۆنێك و 839 ههزار و 910 حاڵهت، لهو ژمارهیهش 20 ههزار و 337 كهس بههۆی ڤایرۆسهكهوه گیانیان لهدهستداوه، ملیۆنێك و 678 ههزار و 552 كهسیش به رێژهی 91.2% بهتهواوی چاك بوونهتهوه و 141 ههزار و 21 كهسیش له نهخۆشخانهكان لهژێر چاودێری پزیشكیدان، لهو ژمارهیهش 937 كهس بههۆی ناجێگیری دۆخی تهندروستییان لهژێر چاودێری چڕی پزیشكیدان.
ئاماژه بهوهش دراوه، تا ئێستا 3 ملیۆن و 45 ههزار و 923 كهس له سهرانسهری عێراق ڤاكسینی كۆرۆنایان وهرگرتووه.
H.B