بێنزیما بێدهنگی شكاند
هێرش دهكاته سهر دیشامپ و به رهگهزپهرستی تۆمهتبار دهكات
دواجار کەریم بێنزێما لە بەرامبەر دوورخرانەوەی لە هەڵبژاردەی فەرەنسا بۆ جامی نەتەوەکانی ئەوروپا بێدەنگی شکاند و بە توندی هێرشی کردە سەر دیدیێ دیشامپ و بە رەگەزپەرستی تۆمەتبار کرد.
بنزێما لە دیمانەیەکی لەگەڵ رۆژنامەی مارکای ئیسپانی رایگەیاندووە، کە بەهۆی رەگەزپەرستییەوە ئەو لە هەڵبژاردەی فەرەنسا دوورخراوەتەوە و پارتێکی سیاسی فەرەنسی و دیشامپیشی بە رەگەزپەرست و هۆکاری دوورخرانەوەی هەژمارکردووە.
هەروەها کەریم لەبارەی دوورخرانەوەکەی دەڵێت: بەداخەوە هەمووان هێرشیان کردە سەر من و خانەوادەکەم و بە تۆمەتی کەسیەکەی ڤاڵبوێناوە هێرشیان کردە سەرم، بەڵام لە راستیدا من لەم کەیسە بێتاوانم و دواتریش بێتاوانیم بۆ هەمووان روون دەبێتەوە.
یاریزانەکەی یانەی ریال مەدریدی ئیسپانی رایشیگەیاندووە کە زوڵمی لێکراوە لە هەڵبژاردەکەی دوورخراوەتەوە و ئاشکراشیکردووە، ڤاڵبوێنا هەموو راستییەکان دەزانێت، بەڵام راستییەکانی بۆ هەمووان روون نەکردووەتەوە.
لە کۆتایی دیمانەکەیشیدا، بنزێما رایگەیاندووە رۆژێک دێت هەر دەگەڕێتەوە ریزی هەڵبژاردەی فەرەنسا.