نرخی نه‌وت هه‌ڵكشا

K24 – هه‌ولێر:

بازاڕی نه‌وتی جیهان چاوه‌ڕێی كۆبوونه‌وه‌ی كۆمه‌ڵه‌ی ئۆپك پڵه‌س ده‌كه‌ن و پێشبینی ده‌كرێت ئه‌و كۆمه‌ڵه‌یه‌ به‌رده‌وام بێت له‌ ستراتیژی ئێستای و ئه‌مه‌ش بووه‌ هۆی به‌رزبوونه‌وه‌ی نرخی نه‌وت به‌ رێژه‌ی %3.

ستراتیژی ئێستای كۆمه‌ڵه‌كه‌ خستنه‌بازاری 400 هه‌زار به‌رمیل نه‌وتی زیاده‌یه‌ به‌ شێوه‌ی رۆژانه‌.

به‌ گوێره‌ی زانیاری ئاژانسی بلۆمبێرگ له‌ گرێبه‌سته‌ دواخراوه‌كانی نه‌وتی خاوی تێكساس به‌ رێژه‌ی %2.76 به‌رز بوویه‌وه‌ و گه‌یشته‌ 83.09 دۆلار بۆ هه‌ر به‌رمیلێك.

هه‌روه‌ها له‌ گرێبه‌سته‌ دواخراوه‌كانی نه‌وتی خاوی برێنتدا نرخی نه‌وت به‌ رێژه‌ی %2.82 به‌رز بوویه‌وه‌ و هه‌ر به‌رمیلێكی گه‌یشته‌ 84.30 دۆلاری ئه‌مه‌ریكایی.

ئه‌م هه‌ڵكشانه‌ی نرخی نه‌وت له‌ كاتێكدایه‌ كۆبوونه‌وه‌ی كۆمه‌ڵه‌ی ئۆپك پڵه‌س بۆ باسكردنی ره‌وشی بازاڕی نه‌وت ده‌ستیپێكردووه‌ و چاوه‌ڕوان ده‌كرێت بڕیار بدرێت كۆمه‌ڵه‌كه‌ به‌رده‌وام بن له‌ خستنه‌بازاڕی 400 هه‌زار به‌رمیل نه‌وتی زیاده‌ به‌ شێوه‌ی رۆژانه‌.

سه‌رچاوه‌: بلۆمبێرگ