یەحیا رەسوڵ: داعش سوود لە بۆشایی ئەمنی دەبینێت
"زۆربەی کردەوەکانیان لەو ناوچانە ئەنجامدەدەن"
K24 - هەولێر
گوتەبێژی فەرماندەی گشتی هێزە چەکدارەکانی عێراق دووپاتیدەکاتەوە داعش سوود لە بۆشایی ئەمنی نێوان سوپا و هێزەکانی پێشمەرگە دەبینێت.
یەحیا رەسوڵ، گوتەبێژ بە ناوی فەرماندەی گشتی هێزە چەکدارەکانی عێراق، لە لێدوانێکی رۆژنامەوانیدا رایگەیاند، چەکدارانی داعش، سوود لە بۆشایی ئەمنی نێوان هێزەکانی پێشمەرگە و سوپای عێراق دەبینن و زۆربەی کردەوەکانیان لەو ناوچانە ئەنجام دەدەن.
ئەو گوتانەی یەحیا رەسوڵ، لەکاتێکدایە پەلامارەکانی چەکدارانی داعش لە ناوچە کوردستانییەکانی زیادیکردووە، لە شەوی 2/12/2021، چەکدارانی داعش پەلاماری گوندی خدر جیجە-یان دا لە سنووری مەخموور، بەوهۆیەوە 10 پێشمەرگە و 3 هاووڵاتیی سڤیل شەهیدبوون و چوار کەسی دیکەش برینداربوون.