وەزارەتی دارایی وادەی دابەشکردنی مووچەی راگەیاند

K24 – هەولێر

وەزارەتی دارایی و ئابووری حکومەتی هەرێمی کوردستان رایگەیاند، سبەی دەست بە دابەشکردنی مووچە دەکرێت.

وەزارەتی دارایی و ئابووری رایگەیاند: "رۆژی یەکشەممە بەرواری 2022/1/2 موچەی مانگی 12ی وەزارەتی تەندروستی دابەش دەكرێت، بە هەمان میکانیزمی مانگەکانی پێشوو".

لە راگەیەندراوی وەزارەتی دارایی هاتووە: "سەرەڕای ئەوەی هەموو ساڵێک 1/2 پشووی فەرمی بانکەکانە بەمەبەستی پاکتاوکردنی ژمێریاری ساڵی رابردوو، بەڵام سبەی ئەو بانکانەی تایبەتن به مووچەی وەزارەتی تەندروستی کراوە دەبن".