فیلمی "سه‌بایا" ده‌بێته‌ براوه‌ی خه‌ڵاتی باشترین فیلمی به‌ڵگه‌نامه‌یی

K24 - هه‌ولێر:

هۆگر هروری، ده‌رهێنه‌ری گه‌نجی كورد، خه‌ڵاتی زێڕینی "گوڵدباك"ی سویدی بۆ باشترین فیلمی به‌ڵگه‌نامه‌ی له‌ ساڵی 2021 به‌ده‌ستهێنا.

له‌ (24ی كانوونی دووه‌م/ یه‌نایه‌ری 2022) له‌ مه‌راسیمێكدا له‌ ستۆكهۆڵمی پایته‌ختی سوید، خه‌ڵاتی باشترین فیلم به‌ چه‌ند ده‌رهێنه‌رێك به‌خشرا، یه‌كێك له‌ براوه‌ی ئه‌و خه‌ڵاتانه‌‌، هۆگر هرورییه‌، كه‌ به‌ فیلمی سه‌بایا، خه‌ڵاتی زێڕێنی گوڵدباك-ی وه‌ك باشترین فیلمی به‌ڵگه‌نامه‌ی به‌ده‌ستهێنا.

 

 

 

 

 

View this post on Instagram

 

 

 

 

 

 

 

 

 

 

 

A post shared by Guldbaggen (@guldbaggen)

فیلمه‌كه‌ی هۆگر هروری، پێشتر چه‌ند خه‌ڵاتێكی دیكه‌ی له‌ (13 تشرینی یه‌كه‌م/ ئۆكتۆبه‌ری 2021) له‌ فێستیڤاڵی "ئیگیۆلۆنا فیلم" و له‌ (12ی تشرینی دووه‌م/ نۆڤه‌مبه‌ری 2021) له‌ فیستڤاڵێكی دیكه‌ی سینه‌مایی وه‌رگرتووه.

فیلمی "سه‌بایا"ی ده‌رهێنه‌ری كورد، "هۆگر هروری"، باس له‌ نه‌هامه‌تییه‌كانی كچ و ژنانی ئێزدی ده‌كات، كه‌ له‌ ساڵی 2014 رێكخراوی تیرۆریستی داعش په‌لاماری شنگالی دا و هه‌زاران كچ و ژنانی ئه‌و پێكهاته‌یه‌ی رفاند و وه‌كو "سه‌بایا – كه‌نیزه‌" مامه‌ڵه‌یان له‌گه‌ڵ كرا و كڕین و فرۆشتنیان پێوه‌ ده‌كرا.

 

 

 

 

 

View this post on Instagram

 

 

 

 

 

 

 

 

 

 

 

A post shared by Hogir Hirori (@hogirhirori)