سەرۆك بارزانی و شاندێكی باڵای حزبی شیوعیی عێراق پرۆسەی سیاسی عێراق تاوتوێ دەکەن

K24 - هەولێر

ئەمڕۆ شەممە 19ی شوباتی 2022 لە سەلاحەددین سەرۆك مەسعود بارزانی پێشوازی لە شاندێكی باڵای حزبی شیوعیی عێراقی بە سەرۆكایەتی رائد فەهمی سكرتێری ئەو حزبە كرد.

لە دیدارەكەدا بارودۆخی سیاسیی عێراق و دوایین پێشهاتەكانی ناو پڕۆسەی سیاسیی عێراق تاوتوێ كرا.

هەر لەو دیدارەدا بیروڕا لەبارەی بڕیارەكانی دادگای فیدراڵی و كاریگەرییان لەسەر دۆخی گشتیی عێراق ئاڵوگۆڕ كران.