بۆ هاتووچۆی ئێران ڤیزا نامێنێت
لە چەند رۆژی داهاتوودا بڕیارەکە لە دەروازە سنوورییەکان دەچێتە بواری جێبەجێکردنەوە
K24 - هەولێر
كونسوڵی ئێران لە ھەولێر رایگەیاند، ڤیزای ئاسمانی لەنێوان ئێران و عێراق هەڵگیراوە، لە چەند رۆژی داھاتووشدا بڕیاری هەڵگرتنی ڤیزا لە دەروازە سنوورییەکان دەچێتە بواری جێبەجێکردن.
نەسروڵڵا رەشنودی، كونسوڵی ئێران لە ھەولێر بە کوردستان24ی راگەیاند: "ڤیزا لەنێوان ئێران و عێراق، بۆ گەشتی ئاسمانی هەڵگیراوە، ئێستا هەر کەسێک بە فڕۆکە گەشت بکات، پێویستی بە ڤیزا نییە، بڕیارە لە چەند رۆژی داهاتوودا هەڵگرتنی ڤیزا لە دەروازە سنوورییەکان بچێتە بواری جێبەجێکردنەوە".