رووسیا: سزاكانی به‌ریتانیا سنووری ره‌وشتیان به‌زاندووه‌

K24 – هه‌ولێر:

باڵیۆزخانه‌ی رووسیا له‌ له‌نده‌ن رایگه‌یاند، ده‌سه‌ڵاتدارانی به‌ریتانیا ده‌یانه‌وێت قوتابخانه‌یه‌كی رووسی له‌ وڵاته‌كه‌یاندا دابخه‌ن.

باڵیۆزخانه‌كه‌ له‌ به‌یاننامه‌یه‌كدا گوتیشی: سزاكانی به‌ریتانیا و ئه‌و پڕوپاگه‌نده‌ دوژمنكارانه‌یه‌ی به‌ریتانیا له‌ دژی رووسیا بڵاوی ده‌كاته‌وه‌ هه‌موو سنوورێكی فیتره‌تی پاك و ره‌وشتی باشی به‌زاندووه‌.

هه‌روه‌ها هاتووه‌: نه‌ك ته‌نیا په‌یوه‌ندییه‌ ئابوورییه‌كان، به‌ڵكو په‌یوه‌ندییه‌ مرۆیی و رۆشنبیری و مرۆییه‌ ساده‌كانیش رووبه‌ڕووی په‌لاماری به‌ریتانییه‌كان بوونه‌ته‌وه‌. ته‌نانه‌ت هه‌وڵ بۆ داخستنی قوتابخانه‌یه‌كی رووسیش ده‌ده‌ن.