گرافیک... رێککەوتنی ئاساییکردنەوەی دۆخی شنگال
K24 – هەولێر
لە 1/10/2020، بە دەستپێشخەری حکومەتی هەرێمی کوردستان لەگەڵ حکومەتی عێراق، بە چاودێری راستەوخۆی نەتەوە یەکگرتووەکان رێککەوتنی ئاساییکردنەوەی دۆخی شنگال واژۆ کرا.
ئامانجی رێککەوتنەکە گەڕانەوەی ئارامی و سەقامگیری بوو بۆ شنگال و دەوروبەری، کە لە دوای هاتنی داعش لە ساڵی 2014ـەوە ژمارەیەکی زۆر لە خەڵکی شنگال ئاوارە بوون، بەهۆی ناسەقامگیری تائێستا نەیانتوانیوە بگەڕێنەوە سەر زێدی خۆیان.
لە رێککەوتنەکەدا ئاماژە بەوەکراوە، یەکەی کارگێڕی سنووری شنگال رێکبخرێتەوە و قایمقامێکی باش و بێلایەن بۆ قەزای شنگال دیاربکرێت، هاوکات هێزێکی هاوبەش ئاسایشی ناوچەکە بپارێزێت.