ئێران مۆتۆرسكلێتی كاره‌بایی به‌رهه‌م دێنێت

K24 – هه‌ولێر

ئێران مۆتۆرسكلێتی كاره‌بایی به‌رهه‌م دێنێت كه‌ دیزاینه‌كه‌ له‌ زانكۆی پیشه‌سازیی ئه‌میركه‌بیر دروستكراوه‌ و ده‌ست به‌ به‌رهه‌مهێنانی بۆ بواری بازرگانی ده‌كرێت.

مۆتۆرسكلێتی كاره‌بای ئێرانی ساڵێك پێش ئێستا له‌لایه‌ن تیمێكی 25 كه‌سی كاری له‌سه‌ر كرا كه پاش لێكۆڵینه‌وه‌، دیزاین و تاقیكردنه‌وه‌، ده‌ست به‌ به‌رهه‌مهێنانی بۆ كاری بازرگانی ده‌كرێت‌.

مۆتۆرسكلێته‌كه‌ خێرایی 140 كیلۆمه‌تر له‌ كاتژمێرێكدا هه‌یه‌ و له‌ ماوه‌ی 30 تا 45 خوله‌ك شه‌حنكردنی، توانایی رویشتنی دوو كاتژمێر هه‌یه‌ و به‌پێچه‌وانه‌ی مۆتۆرسكلێتی به‌نزینی ده‌نگێكی زۆر كه‌می هه‌یه‌ و بۆ هاتۆچوی ناو شار زۆر گونجاوه‌.‌

له‌ تاران 1.5 ملیۆن مۆتۆرسكلێتی به‌نزینی له‌سه‌ر شه‌فام له‌ هاتۆچودان، كه‌ ساڵانه‌ 120 ملیۆن تۆن دووكه‌ڵ و ماده‌ی ژه‌هراوی بڵاو ده‌كه‌نه‌وه‌.

به‌پێی ئامارێك، له‌ شاری تارانی پایته‌ختی ئێران 47%  مۆتۆرسوار بۆ رویشتنه‌ سه‌ر كار مۆتۆرسكلێت به‌كار دێنن و بۆ 29% كه‌سی تریش ئامرازێكه بۆ‌ بژیوی ژیان، ئه‌وانه‌ی دیكه‌ش بۆ ئامانجی وه‌رزش و خۆشگوزه‌رانی به‌كار دێنن.

مۆتۆرسكلێتی به‌نزینی هه‌شت به‌رامبه‌ر ئۆتۆمبیڵێكی به‌ ستانده‌ری یۆرۆ 2 ژینگه‌ پیس ده‌كات.