سلێمانی.. پیاوێك 15 چەقۆ لە هاوسەرەکەی دەدات

ژنەکە پێشتر داوای جیابوونەوەی لە هاوسەرەکەی کردووە
وێنەی ئەو ژنەی بە چەقۆ بریندار کراوە
وێنەی ئەو ژنەی بە چەقۆ بریندار کراوە

K24 - هەولێر:

لە گەڕەکی زەرگەتەی شاری سلێمانی، ژنێکی تەمەن 25 ساڵ لەلایەن هاوسەرەکەیەوە هێرش دەکرێتە سەری و 15 چەقۆی لێدەدرێت.

راستەوخۆ دوای رووداوەکە ژنەکە گەیەندراوەتە نەخۆشخانەی شار و نەشتەرگەری بۆ ئەنجامدراوە.

کەسوکاری ژنەکە باسیان لەوە کرد، خوشکەکەیان حەوت مانگە لەگەڵ هاوسەرەکەی کێشەی هەیە و لە دادگا داوای جیابوونەوەی لە هاوسەرەکەی کردووە.

وێنەی ئەو ژنەی بە چەقۆ بریندار کراوە
وێنەی ئەو ژنەی بە چەقۆ بریندار کراوە

بە گوێرەی زانیاریەکانی کەسوکاری ژنەکە، هاوسەرەکەی پێشتریش بەهۆی تەندوتیژی خێزانیەوە دەستگیرکراوە و دواتر بە کەفالەت ئازاد کراوە.

رائید راز فریا، گوتەبێژی بەڕێوەبەرایەتی بەرەنگاربوونەوەی توندووتیژی دژی ژنان لە سلێمانى رايگەیاند، ئەو دوو هاوسەرە پێشتر کێشەیان هەبووە، ژنەکە داوای جیابوونەوەی کردووە و رووداوەکەش کاتژمێر دووی دوێنێ شەو روویداوە، ئەو ژنە لە ماڵی دایکی بووە و هاوسەرەکەی رۆشتووە لەوێ بە چەقۆ لێیداوە.

لەبارەی تەندروستی ژنەکەشەوە، ناوبراو گوتی: "لە ئێستا تەندروستی ژنەکە جێگیرە."