مه‌ترسيدارترين باندى بازرگانى به مادده‌ى هۆشبه‌ر ده‌ستگير كران
6 كيلۆگرام مادده‌ى كۆكائيينيان پێ بووه و ئه‌ندامانى بانده‌كه‌ش ژنن.
K24 – هه‌ولێر:
ئه‌منى جه‌زائير باندێكى قاچاخچى مادده‌ى هۆشبه‌ريان له پايته‌ختى وڵاته‌كه‌يان ده‌ستگيركرد، كه 6 كيلۆگرام مادده‌ى كۆكائيينيان پێ بووه و ئه‌ندامانى بانده‌كه‌ش ژنن.
سه‌رۆكى تيمى به‌ره‌نگاربوونه‌وه‌ى بازرگانى به مادده هۆشبه‌ره‌كان رايگه‌ياند، ئه‌و بانده‌ى ده‌ستگيركراوون ترسناكترين باندى تايبه‌ت به مادده‌ى هۆشبه‌ر بوون، كه پێنجيان ژن بوون و ته‌مه‌نيان له نێوان 24 تا 38 ساڵدا بووه.
ئه‌و بانده له به‌رازيله‌وه بۆ وڵاتانى ئاسيا له چالاكييدان و ئه‌ندامانيان گه‌يشتوونه‌ته ئه‌وروپاش.
به گوێره‌ى زانيارييه‌كان، ئه‌و بانده رێگه‌ى نوێيان بۆ ده‌ربازكردنى مادده‌ى هۆشبه‌ر له رێگه‌ى فڕۆكه‌خانه‌كانه‌وه داهێناوه و توانيويانه جانتاى تايبه‌تى درووست بكه‌ن و له ناو ئه‌و جانتايانه مادده‌ى هۆشبه‌ر بشارنه‌وه و له فڕۆكه‌خانه‌كان ده‌ربازى بكه‌ن.