موقتهدا سهدر داوا دهكات حهشدی شهعبی له سیاسهت و بازرگانیكردن دووربكهوێتهوه
"پابهندی ناوهندهی سهرهكی حهشد بن و پێویست به هێز و گرووپ و ناوه جیاوازهكانی دیكه ناكات"
K24 - ههولێر:
له ساڵیادی دامهزراندنی حهشدی شهعبی، موقتهدا سهدر، رێبهری رهوتی سهدر داوا دهكات، حهشد له سیاسهت و بازرگانی و ناكۆكییه سیاسییهكان دوور بكهوێتهوه.
رێبهری رهوتی سهدر له راگهیهندراوێكدا پیرۆزبایی ساڵیادی دامهزراندنی حهشدی شهعبی دهكات و رایگهیاند، پێویسته سهرجهم ئهندامانی حهشدی شهعبی و سهركردهكانی پابهندی ناوهندهی سهرهكی حهشد بن و له هێز و گرووپ و ناوه جیاوازهكانی دیكه دووربكهونهوه.
موقتهدا سهدر له راگهیهندراوهكهدا جگه له پیرۆزباییكردن له ساڵیادی دامهزرادنی حهشدی شهعبی، داواش له ئهندامان و سهركردهكانی حهشد دهكات له له سیاسهت و بازرگانی و ناكۆكییه سیاسییهكان دوور بكهونهوه.
