پەیامێك لە وتەبێژی حکومەتی هەرێمی کوردستانەوە
"سوپاسی وەزارەتی ناوخۆ و دەزگا ئەمنییەکان دەکەین کە لە ماوەیەکی کەمدا، تاوانبارەکەیان دەستبەسەر و رادەستی یاسا کرد"
K24- ههولێر:
سهبارهت به رووداوهكهی ئهمڕۆ، كه دوو مامۆستای زانكۆی سهڵاحهددین لهلایهن قوتابیێكهوه شههیدكران، جوتیار عادل، گوتهبێژی حكومهتی ههرێمی كوردستان پهیامێكی راگهیاند.
دهقی پهیامی گوتهبێژی حكومهتی ههرێمی كوردستان:
بەداخەوە ئەمڕۆ دكتۆر كاوان ئیسماعیل و دكتۆر ئیدریس حەمەخان لە ڕووداوێكی تاوانكاریدا گیانیان لە دەست دا و شەهیدبوون.
وەک حکومەتی هەرێمی کوردستان، پرسە و سەرەخۆشی لە کەسوکار و بنەماڵەی بەڕێزیان دەکەین و سوپاسی وەزارەتی ناوخۆ و دەزگا ئەمنییەکانیش دەکەین کە لە چوارچێوەی کاری خۆیان و لە ماوەیەکی کەم، تاوانبارەکەیان دەستبەسەر و ڕادەستی یاسا کرد.
هەر لە پەیوەندی لەگەڵ ئەم جۆرە ڕووداوانەیە کە سەرۆکی حکومەتی هەرێمی کورستان سووربوونی خۆی نیشانداوە لە سەر "گرتنەبەری هەموو ڕێکارێکی پێویست لەلایەن وەزارەتی ناوخۆ و دەزگا ئەمنییەکان بە مەبەستی بنبڕکردنی چەکی بێ مۆڵەت و ڕووبەڕووبوونەوەی تاوانباران و خراپکاران لە هەر پلە و ئاستێکدا بن".
د. جوتیار عادل
وتەبێژی حکومەتی هەرێمی کوردستان
28ی حوزەیرانی 2022