چوارده ئهندامی داعش له بهغدا و نهینهوا دهستگیركران
K24 – ههولێر:
هێزه ئهمنییهكانی عێراق، چوارده كهسی سهر به داعشیان له بهغدا و نهینهوا دهستگیركرد.
ئاژانسی ههواڵگری و لێكۆڵینهوه ئیتیحادییهكان له وهزارهتی ناوخۆی عێراق، رایگهیاند، له ناوچه جیاوازهكانی بهغدا، ههشت ئهندامی داعش دهستگیر كراون.
ئهو ئاژانسه له بهیاننامهیهكدا، راشیگهیاند، سهرجهم ئهو كهسانه له سهر بنهمای زانیاری وردی ههواڵگری دهستگیر كراون.
ههر لهو چوارچێوهیهدا، دهزگای ئهمنی نیشتمانی عێراق رایگهیاند، له چهند ناوچهیهكی جیای پارێزگای نهینهوا شهش چهكداری داعش دهستگیر كراون.
روونیشیكردووهتهوه، ژمارهیهك له دهستگیركراوهكان له ویلایهتی نهینهوای رێكخراوی داعش كار بهدهست بوونه و له چوارچێوهی دیوانی ئهلجوند كاریان كردووه.