وێنەکانی راغب عەلامە لەگەڵ هاوسەری باڵیۆزی عێراق لە ئوردن هەرادەنێتەوە

K24 - هەولێر:

وێنەکانی هونەرمەندی لوبنانی راغب عەلامە لەگەڵ هاوسەری حەیدەر ئەلعەزاری باڵیۆزی عێراق لە ئوردن، مشتومڕێکی گەورەی لە عێراق لێکەوتەوە.

لە وێنەکاندا کە راغب عەلامە لە هەژماری تایبەتی خۆی لە تویتەر بڵاویکردووەتەوە، ئەو هونەرمەندە لە تەنیشت هاوسەری ئەلعەزاری وەستاوە، ئەمەش مشتومڕێکی گەورەی لەنێو بەکارهێنەرانی تۆڕە کۆمەڵایەتییەکان لە عێراق دروستکرد و چەندین کەس رەخنەی توند لە باڵیۆزی عێراق دەگرن.

راغب عەلامە لەسەر وێنەکان نووسیویەتی، "لە دڵەوە سوپاس باڵیۆزی عێراق لە ئوردن، حەیدەر مەنسور ئەلعەزاری و هاوسەرەکەی خاتوو مەیسەم ئەلروبەیعی دەکەم بۆ ئەم پێشوازی و میواندارییە نایاب و چێژبەخشە. بینینی ئێوە لە کەشێکی ئاوا نزیک لە دڵ و پڕ لە خۆشەویستی زۆر خۆشحاڵی کردم".

لەوبارەیەوە ئەحمەد سەحاف گوتەبێژی وەزارەتی دەرەوەی عێراق رایگەیاند، رێوشوێنی گونجاو سەبارەت بە وێنەکانی باڵیۆزی عێراق لە ئوردن دەگرینەبەر.

شكراً من القلب لسعادة السفير العراقي في #الأردن السيد حيدر منصور العذاري وزوجته السيّدة ميسم الربيعي على هذه الاستضافة الكريمة والرائعة والمُمتعة، وعلى هذا الترحيب والاستقبال الطيّب.
أسعدني جداً لقاؤكم الجميل في تلك الأجواء القريبة من القلب والمليئة بالحب والفرح 🙏❤️#راغب_علامة pic.twitter.com/ZyEQiENxm1

— RaghebAlama (@raghebalama) August 19, 2022