14 ملیار دینار له بانكێكی عێراق دیارنامێنێت
ژمارەیەک کارمەند دەستگیرکراون
K24 - هەولێر
به‌ڕێوه‌به‌رایه‌تی به‌دواداچوون له ده‌سته‌ی ده‌ستپاكی عێراقی ئاشكرای کرد، به‌تۆمه‌تی دزین و سپیكردنه‌وه‌ی 14 ملیار دینار له لقه‌كانی بانكی رافیده‌ین 10 فه‌رمانبه‌ریان ده‌ستگیركردووه.
به‌ڕێوه‌به‌رایه‌تیه‌كه ئاماژه به‌وه‌کردووە، تیمه‌كانیان توانیویانه له به‌دواداچوونه‌كانیان 10 كارمه‌ندی بانك ده‌ستگیر بكه‌ن، كه به‌شێوه‌یه‌كی نایاسایی كاری سپیكردنه‌وه‌ی پاره‌یان ئه‌نجامداوه له‌گه‌ڵ ده‌ستگیركردنی دوو كارمه‌ندی دیكه كه 14 ملیار دیناریان به‌ناوی پێشینەی یه‌كه‌ی نیشته‌جێبوون بردبوو.
سه‌رچاوه‌كه ئاماژه راشیگەیاندووە، تیمه‌كانیان توانیویانه له لقه‌كانی بانكی رافیده‌ین له شەقامی ره‌شید و كه‌ڕاده و مریه‌م و حسێنیەی بەغدا 10 كارمه‌ندی بانك ده‌ستگیر بكه‌ن، كه به‌نهینی كاری سپیكردنه‌وه‌ی پاره‌یان له بانكه‌كاندا ئه‌نجامداوه.
