رۆڵی بارزانییهكان له بزووتنهوهی رزگاریخوازی كوردستاندا
K24 – ههولێر:
بارزانییهكان له مێژووی بزووتنهوهی رزگاریخوازی نهتهوایهتی كوردیدا رۆڵێكی دیار و كاریگهریان گێڕاوه و بهشدارییان له شۆڕشهكانی باكوور و رۆژههڵاتی كوردستان كردووه و پشتیوانێكی سهرهكی جووڵانهوهی شێخ مهحموودی حهفید بوون.
له سهرهتای دامهزراندنی كۆماری كوردستان له مهاباد دا، مستهفا بارزانی، به سهرۆكایهتی ژمارهیهك له پێشمهرگهكانی بارزان وهك پشتیوانێكی بههێزی كۆمارهكه روویان له مهاباد كرد و تا كۆتایهاتنی كۆمارهكه بهرگریان له كۆمار كرد و دواتر رووبهڕووی سوپای عێراق و ئێران و توركیا بوونهوه و خۆیان گهیانده سنووری یهكێتی سۆڤیهت و له رووباری ئاراس پهڕینهوه.