له یهك مانگدا 662 عێراقی كوژراون
K24 - ههولێر:
رێکخراوی نەتەوەیەکگرتووەکان ئاماری قوربانیانی مانگی رابردووی بڵاوکردەوە و تێیدا ئاشکرای کرد، لەماوەی مانگی حوزەیرانی رابردوودا 662 عێراقی کوژراون و زیاتر لە 1450 عێراقی دیکەش بریندار بوون.
بەگوێرەی ئامەرەکەی رێکخراوی یونامی، لەو ژمارەیە 382 هاووڵاتی سڤیل کوژراون و 280 كەسی دیکەش سەر بە هێزە ئەمنییەکانی عێراق بوون.
هەر لەو ئامارەی نەتەوەیەکگرتووەکاندا هاتووە لە شاری بەغدا زۆرترین قوربانی لێکەوتووەتەوە و تەنھا لە ماوەی مانگی رابردوودا 236 کەسی تێدا کوژراوە و 742 کەسی دیکەش بریندار بوون.
بەڵام نەتەوەیەکگرتووەکان ئەوە ئاشکرا دەکات کە بەبەراوورد لەگەڵ مانگی ئایاردا رێژەی قوربانی لە مانگی حوزەیراندا بەشێوەیەکی بەرچاو کەمیکردووە کە لەمانگی ئایاردا 867 کەس کوژرابوون.