تۆپی مۆندیالی قەتەر دەگۆڕدرێت
فیدراسیۆنی تۆپی پێی جیهان (فیفا) ئاشکرایکرد، کە ئەو تۆپەی تا قۆناغی چارەکی کۆتایی لە یارییەکانی مۆندیال بەکاردەهات دەگۆڕدرێت و بۆ یارییەکانی چوارگۆشەی زێڕین و کۆتایی تۆپێکی دیکە بەکاردەهێندرێت.
تۆپە نوێیەکە ناوی "خەون"ـە و شوێنی ئەو تۆپە دەگرێتەوە، کە تا قۆناغی هەشت بەشێوەیەکی فەرمی لە مۆندیال بەکاردەهات. فیفا لە ماڵپەری فەرمی خۆی بڵاویکردووەتەوە، تۆپە نوێیەکە هەمان تەکنەلۆژیای پێشتری تێدا بەکارهاتووە بەڵام کارەکان بەشێوەیەکی خێراتر و وردتر ئەنجام دەدات و هاوکارییەکی باشی ناوبژیوانان دەبێت لە دیاریکردنی حاڵەتی ئۆفساید.
فیفا ئەوەشی ئاشکراکردووە، تۆپەکە نزیکە لەوەی وەك رۆبۆتێك کاربکات بۆ دیاریکردنی ئەو حاڵەتانەی ئۆفساید، کە روون نین و ناوبژیوانان ناتوانن بە ئاسانی بڕیاری لەبارەوە بدەن.
