ژمارەی قوربانیانی بوومەلەرزە زیاتر بەرزبووەوە

K24 – هەولێر

ژمارەی ئەو کەسانەی بەهۆی بوومەلەرزە لە باکووری کوردستان و تورکیا و رۆژئاوای کوردستان و سووریا گیانیان لەدەستداوە، زیاتر بەرزبووەوە.

بەگوێرەی ئامارەی دەزگای کارەسات و باری لەناکاوی تورکیا (AFAD) ژمارەی ئەو کەسانەی بەهۆی بومەلەرزەکان لە باکووری کوردستان و تورکیا گیانیان لەدەستداوە بۆ 12 هەزار و 391 بەرزبووەوە، هەروەها ژمارەی برینداراەکان گەیشتە 62 هەزار و 914 کەس.

بەپێی دوایین ئامار ژمارەی گیان لەدەستدان بەهۆی بوومەلەرزەکان لە رۆژئاوای کوردستان و سووریا گەیشتە 3042 کەس، 5 هەزار و 185 کەسیش بریندارن.

رۆژی 6/2/2023 دوو بوومەلەرزە باکووری کوردستان و تورکیا، هاوکات بوومەلەرزەیەک رۆژئاوای کوردستان و سووریای هەژاند، کە گوڕی بوومەلەرزەکان لە سەرووی 7 پلە بوو، زیانی زۆری لێکەوتەوە تائێستا تیمەکان سەرقاڵی گەڕان و رزگارکردنی ئەو کەسانەن کە کەوتوونەتە ژێر داروپەردووەکان.