زیاتر لە 5 ملیار دۆلار بۆ ھەرێمی كوردستان تەرخان دەكرێت
پێگەی سندووقی نەختینەی نێودەوڵەتی بڵاویکردەوە، كە ئەنجوومەنی جێبەجێكار ئەو رێكکەوتنەی پەسەند كردووە
K24 - ھەولێر
بۆردی جێبەجێكاری سندووقی نەختینەی نێودەوڵەتی بۆ ھاریكاری و چاودێری دارایی، بڕی 5.34 ملیار دۆلاری ئەمریكی بۆ ھاریكاری ھەرێمی كوردستان و عێراق پەسەند كرد.
ئەم بڕە بەپێی رێككەوتنێکە نێوان حكوومەتی عێراق و ھەرێمی كوردستان وەك ھەنگاوێك بۆ ھاریكاری عێراق بۆ تێپەراندنی ئەو دۆخە ئاڵۆزە ئابورییەی بەغدا تێیكەوتووە و رەوشی ئاوارەكان و شەڕی داعشیش.
پێگەی سندووقی نەختینەی نێودەوڵەتی بڵاویکردەوە، كە ئەنجوومەنی جێبەجێكار ئەو رێكکەوتنەی پەسەند كردووە و دامەزراوەكەیان پابەندە بە ھاریكاریكردنی ھەرێمی كوردستان و عێراق.
لە پێگەی خۆیان، سندووقی نەختینە ئاماژەی بۆ ئەوەش کرد، كە ھەوڵەکانی دامەزراوەكە بەردەوامن بۆ ئەوەی رێکكەوتنی دابەشردكردنی بودجەی نێوان بەغدا و ھەولێر جێبەجێبكرێت و ئەو بڕە بەپێی یاسا و رێساكانی بودجە و داھاتی عێراق، كە لەو بڕە بەشی ھەرێمی كوردستان 17 لەسەد كەمتر نەبێت.