هاوپەیمانی نێودەوڵەتی ده‌ستگیركردنی سەرکردەیەکی داعش لە رۆژهەڵاتی سووریا راگه‌یاند
K24 – هەولێر:
فەرماندەیی ناوەندی هێزەکانی ئەمەریکا، ده‌ستگیركردنی سەرکردەیەکی داعشی به‌ناوی حوزەیفە یەمەنی و دوو لە هاوکارەکانی لە رۆژهەڵاتی سوریا راگەیاند.
فەرماندەکە لە بەیاننامەیەکدا راشیگەیاند، هێزەکانی ئەمەریکا لە درەنگانی ئێوارەی 8ــی نیسان، بە هەلیکۆپتەر لە رۆژهەڵاتی سوریا ئه‌م هێرشه‌یان ئەنجامداوه و حوزەیفە یەمەنی و دوو لە هاوکارانی ده‌ستگیركران و هیچ حاڵەتێکی کوژراو و برینداریش له ریزی هاووڵاتییانی سیڤیلی ناوچه‌كه رووی نه‌دا.
