بارزانی پهیامێكی هاوخهمی بۆ سهرۆكی فهرهنسا دهنێرێت
هێرشهكهی فهرهنسا پهلاماردانی پڕەنسیپ و بەهاكانی ئازادیخوازی و یەكسانییه
K24 – ههولێر
سهرۆكی ههرێمی كوردستان مهسعوود بارزانی له پهیامێكدا بۆ فرانسوا ئۆلاند سهرۆكی فهرهنسا هێرشی تیرۆریستی شاری نیس شهرمهزار دهكات و هاوخهمی خۆیشی لهگهڵ خهڵكی فهرهنسا و قوربانیانی هیرشهكه دهردهبڕێت. ههروهها پهلاماری تیرۆریستی له رۆژی نیشتیمانی فهرهنسا به پەلامارێك بۆ سەر پڕەنسیپ و بەهاكانی ئازادیخوازی و یەكسانی و برایەتیی شۆڕشی فەڕەنسا وهسف دهكات، كە بەها و پڕەنسیپی مرۆڤی و جیهانین. سهرۆك بارزانی پشتگیری گەلی كوردستان لە شەڕی دژی تیرۆر به گەل و حكوومەتی فەرەنسای دۆست رادهگهینێت.
دهقی پهیامی سهرۆك بارزانی بۆ سهرۆكی فهرهنسا
بەڕێز فڕانسوا هۆڵاند سەرۆك كۆماری فەڕەنسا
پەلامارە تیرۆریستییەكەی شاری نیسی فەڕەنسا و كوژرانی هاووڵاتیانی بێ تاوان بەدەستی تیرۆریستان لە یادی ڕۆژی نیشتیمانیی فەڕەنسا زۆر خەمبار و دڵگرانی كردم. زۆر بە توندی ئیدانەی ئەو كردەوە دڕندانەیە دەكەم و بەناوی خۆم و گەلی كوردستان سەرەخۆشی لەئێوە و گەلی فەڕەنسا و كەسوكاری قوربانیانی ئەو ڕووداوە دڵتەزێنە دەكەم، هیوای چاكبوونەوە بۆ برینداران دەخوازم.
تیرۆریستان دوژمنی مرۆڤایەتی و دژی ئازادی و ئاسوودەیی مرۆڤن لە هەموو شوێنێكی جیهاندا. پەلاماری تیرۆریستان بۆ سەر بەشداربوانی یادی ڕۆژی نیشتیمانیی فەڕەنسا پەلاماردانە بۆ سەر پڕەنسیپ و بەهاكانی ئازادیخوازی و یەكسانی و برایەتیی شۆڕشی فەڕەنسا كە بەها و پڕەنسیپی ئینسانی و جیهانین. لەو چركەساتە خەمبارانەدا گەلی كوردستان كە خۆی قوربانیی دەستی تیرۆرە و لە هێڵی یەكەمی شەڕی تیرۆریستاندایە، هاوسۆزی گەلی فەڕەنسایە. بە بەڕێزتان ڕادەگەیێنم گەلی كوردستان لە شەڕی دژی تیرۆر و ڕووبەڕووبوونەوەی توندڕۆییدا بە هەموو توانایەك پشتیوانی گەل و حكوومەتی فەڕەنسای دۆستە.
مسعود بارزانی
سەرۆكی هەرێمی كوردستان
15ـ 7ـ 2016