نێچیرڤان بارزانی خۆشحاڵه به سهركهوتنی ئیرادهی گهلی توركیا
پیرۆزبایی له ئهردۆغان دهكات
K24 – ههولێر
سهرۆك وهزیرانی ههرێمی كوردستان نێچیرڤان بارزانی لە پەیامێكدا بەبۆنەی سهركهوتنی شهرعییهت بهسهر كودەتای گرووپێكی سهربازی بۆ دەستگرتن بەسەر دەسەڵات، پیرۆزبایی لە سەرۆك كۆمار و سەرۆك وەزیران و گەلی توركیا دهكات و خۆشحاڵیی خۆیشی بە سەركەوتنی ئیرادەی گەل بەسەر هەوڵی كودەتاكردندا ڕاگەیاند.
دەقی پەیامهكهیه:
خۆشحاڵین بە سەركەوتنی ئیرادەی گەلی توركیا بەسەر هەوڵی گرووپێكی سەبازیی دژ بە شەرعیەت و ئیرادەی گەل و لەو باوەڕەداین شكستخواردنی ئەو هەوڵە، دەسەڵات و حكوومەت و ئیرادەی گەلی توركیا بەهێزتر دەكات و هەروەها ڕێگەی كودەتای سەربازی لە توركیا دادهخات.
بەو بۆنهیەوە پیرۆزبایی لە بەڕێزان ڕهجهب تەییب ئەردۆغان سەرۆك كۆمار و بینالی یلدرم سەرۆك وەزیرانی توركیا و هەموو لایەنەكان و گەلی توركیا دەكەین كە پێكەوە ئەو هەوڵەیان شكست پێهێنا.
یەكدەنگیی لایەنەكان و كەسایەتییەكانی توركیا توانی شەرعیەتى دەسەڵات و توركیا و ناوچەكەش لە ئاڵۆزییەكی گەورە بپارێزێت. گەلی توركیا بە خوێن و قارەمانیهتی، شەرعیەتی لە توركیا پاراست. لەو باوەڕەداین ئەوە نموونەیەكی تازە و گەورەیە لە هوشیاریی گەلی توركیادا. هەروەها ئەو هوشیاریەی گەلان، ناوچەكەمان بەرەو ئارامی و دیالۆگ و بنبڕكردنی تیرۆر و ئاڵۆزی دەبات.
نێچیرڤان بارزانی
سەرۆك وەزیرانی هەرێمی كوردستان
16- 7 - 2016