وەزارەتی دارایی وادەی دابەشکردنی مووچەی وەزارەتێکی دیکەی راگەیاند

K24 – هەولێر

وەزارەتی دارایی و ئابووری حکومەتی هەرێمی کوردستان رایگەیاند، سبەی دووشەممە مووچەی دیوانی وەزارەتی پێشمەرگە و لیواکانی وەزارەت دابەش دەکرێت".

رۆژی 15ی حوزەیرانی 2023، وەزارەتی دارایی و ئابووری حکومەتی هەرێمی کوردستان رایگەیاندبوو، لەسەر بڕیاری ئەنجومەنی وەزیرانی عێراق، بڕی 400 ملیار دینار لە رێگای بانکی رەشید و رافیدەینەوە خرایە سەر هەژماری بانکی وەزارەتی دارایی و ئابووری هەرێم لە لقی هەولێری بانکی ناوەندی عێراق.

ئەمڕۆ یەکشەممە 18/6/2023، دابەشکردنی مووچەی فەرمانبەران دەستیپێکرد و  مووچەی مانگی ئایاری وەزارەتی تەندروستی دابەشکرا.