هاوپهیمانی دهوڵهتی یاسا بهجیا بهشداری له ههڵبژاردنی ئهنجوومهنی پارێزگاكانی عێراق دهكات
K24 – هەولێر:
رەسول رازی، ئەندامی هاوپەیمانی دوڵەتی یاسا، رایگەیاند، هاوپەیمانی دەوڵەتی یاسا بڕیاریداوە بە جیا بەشداری لە هەڵبژاردنی ئەنجوومەنی پارێزگاکانی عێراق بکات.
رەسول رازی، ئەندامی هاوپەیمانی دوڵەتی یاسا، رایگەیاند، دانوستانی كراوه لهنێوان هێزه سیاسییهكان بۆ پێكهێنانی هاوپهیمانێتی ههڵبژاردنهكان بهردهوامە و زۆرینەی لایەنەکان تا ئیستا هەڵوێستی خۆیان بەڕوونی رانەگەیاندووە.
هەروەها راشیگەیاند، هێزه شیعییهكان بۆچوونێكی روونیان بۆ ههڵبژاردنی داهاتوو نییه، بهڵام هاوپهیمانی دهوڵهتی یاسا بڕیاریداوه بهجیا بهشداری له ههڵبژاردنی ئهنجوومهنی پارێزگاكانی عێراق بكات.
رازی، دهشڵێت: عهسائیبی ئههلی حهق بهجیا بهشداری دهكهن، بهڵام رهنگه فراكسیۆنی بهدر لهگهڵ رهوتی حیكمه و فهزیله هاوپهیمانێتییهك پێكبهێنن، هەروەها هێزهكانی دیكهش هێشتا هەڵوێستی خۆیان بە روونی رانەگەیاندووه، بۆیه کاتێکی زۆر ماوە بۆ دیاریکردنی چارەنووسی بەشداریکردنیان لە هەڵبژاردنەکاندا.
بڕیارە لەرۆژی 18ـی کانوونی یەکەمی ئەمساڵ، هەڵبژاردنی ئەنجوومەنی پارێزگاکانی عێراق بەڕێوەبچێت، کۆمیسیۆنی باڵای هەڵبژاردنەکانیش لە 1ـی تەمموزەوە بۆ ماوەی یەک مانگ دەرگای خۆپاڵاوتن بۆ حزب و هاوپەیمانێتییەکان دەکاتەوە.
کۆمیسیۆنی باڵای هەڵبژاردنەکانی عێراق بە درێژایی مانگی تەمووز ناوی پارتە سیاسی و هاوپەیمانێتییە نوێیەکان تۆماردەکەن بۆ هەڵبژاردنی ئەنجوومەنی پارێزگاکانی عێراق، کە بڕیارە لە رۆژی 18ـی کانوونی یەکەمی ئەمساڵ بەڕێوەبچێت، لە رابردوودا 269 پارتی سیاسی لە کۆمیسیۆن تۆمارکرابوون، ئێستاش بە میکانزمی نوێ و پێدانی بڕی 5 ملیۆن دینار حزبەکان ناوی خۆیان نوێدەکەنەوە لە کۆمیسیۆن، هەروەها هەڵبژاردنەکان بە سیستمی سانت لیگۆ بەڕێوەدەچێت و بە تەواوی پشت دەبەستێت بە یاسایی هەمواری سێیەمی هەڵبژاردنەکانی عێراق.