قایمقامیەتی سەیدسادق: ئەو گازەی مۆلیدەکانی سەیدسادق بەکاریدەهێنن مەترسی بۆ تەندروستی هاووڵاتییان هەیە
K24 - هەولێر:
قایمقامیەتی سەیدسادق هۆشداری دا سەبارەت بەو گازەی مۆلیدەکانی سەیدسادق بەکاریدەهێنن و رایگەیاند، مەترسی بۆ تەندروستی هاووڵاتییان هەیە.
قایمقامیەتی قەزای سەیدسادق بڵاویکردەوە، لەپێناو بەرژەوەندی گشتی و پاراستنی تەندروستی و ژیانی هاووڵاتییانی قەزاکە، سەرجەم خاوەن مۆلیدەکان ناو گەڕەک و کۆڵانەکان و گوندەکـان ئاگادار دەکرێنەوە، کە ئەو جـۆرە گازەی بەکاریدەهێنن بۆ ئیشپێکردنی مۆلیدەکانیان لە پاش پشکنینی جۆری دەرکەوت کە کوالێتییەکی خراپیان هەیە و مەترسی بۆ سەر تەندروستی هاووڵاتییان هەیە.
قایمقامیەتی قەزاکە راشیگەیاند، پێویستە ئەو گازەی بەکاریدەهێنن لـە پشکنیـن دەربچێـت، بە پێچەوانەوە رووبەڕووی رێکاری یاسایی دەبنەوە.